കേരള SSLC പരീക്ഷ 2026

 

പുനർമൂല്യനിർണ്ണയം, ഫോട്ടോകോപ്പി, സൂക്ഷ്മപരിശോധന

​2026 മാർച്ചിൽ നടന്ന എസ്.എസ്.എൽ.സി പരീക്ഷയുടെ ഉത്തരക്കടലാസുകളുടെ പുനർമൂല്യനിർണ്ണയം (Revaluation), ഫോട്ടോകോപ്പി (Photocopy), സൂക്ഷ്മപരിശോധന (Scrutiny) എന്നിവയ്ക്കായി അപേക്ഷിക്കാൻ ആഗ്രഹിക്കുന്ന വിദ്യാർത്ഥികൾക്കുള്ള നിർദ്ദേശങ്ങൾ താഴെ പറയുന്നവയാണ്.

​പ്രധാനപ്പെട്ട തീയതികൾ

​ഓൺലൈൻ രജിസ്ട്രേഷൻ കാലാവധി: 16/05/2026 മുതൽ 21/05/2026 വൈകിട്ട് 4:00 മണി വരെ.

​സ്കൂളിൽ സമർപ്പിക്കേണ്ട അവസാന തീയതി: ഓൺലൈൻ അപേക്ഷയുടെ പ്രിന്റൗട്ടും ഫീസും പരീക്ഷ എഴുതിയ സെന്ററിലെ പ്രഥമാധ്യാപകന് (HM) 21/05/2026 വൈകിട്ട് 5:00 മണിക്ക് മുൻപായി സമർപ്പിക്കേണ്ടതാണ്.

​പ്രഥമാധ്യാപകർ കൺഫർമേഷൻ നടത്തേണ്ട അവസാന തീയതി: സ്കൂളുകളിൽ ലഭിച്ച അപേക്ഷകൾ ഓൺലൈൻ വഴി വെരിഫൈ ചെയ്ത് കൺഫർമേഷൻ പൂർത്തിയാക്കേണ്ടത് 22/05/2026 വൈകിട്ട് 5:00 മണിക്ക് മുൻപാണ്.

​പ്രത്യേക അറിയിപ്പ്: 21/05/2026 വൈകിട്ട് 5:00 മണിക്ക് ശേഷം ലഭിക്കുന്നതും അപൂർണ്ണവുമായ അപേക്ഷകൾ യാതൊരു കാരണവശാലും സ്വീകരിക്കുന്നതല്ല.

​പരാതികൾ സമർപ്പിക്കാനുള്ള അവസാന തീയതി: മൂല്യനിർണ്ണയം ചെയ്യാത്ത ഉത്തരങ്ങൾ, സ്കോറുകൾ കൂട്ടിയതിലുള്ള പിശകുകൾ എന്നിവ പരിഹരിക്കുന്നതിനായി പരീക്ഷാഭവൻ സെക്രട്ടറിക്ക് അപേക്ഷ നൽകേണ്ട അവസാന തീയതി 2026 ജൂൺ 15 ആണ്.